Trátase do primeiro xogo co que o/a bebé é benvido/a ao mundo. A persoa adulta canta un recitado sinxelo (o arrolo) que debe procurarse, se é posible, no propio medio, pois os arrolos forman parte do patrimonio oral.

Sirva este como exemplo mínimo:

A persoa adulta verbaliza o recitado ao tempo que arrola o neno/a, facendo ademán de lle bater no cu.

Recitado: Arrurú, coa tranca no cu.

               Arrará, coa tranca pra ca.

               Errirí, batereiche aquí.

Variante: Arrurú, coa tranca no cu,

               morreron os vellos

               e quedamos eu e tu.