Un/a dos/as participantes, debruzado/a sobre a mesa ou noutra postura semellante, pero en todo caso cos ollos tapados, escoita o recitado e trata de saber cantos dedos lle puxo o seu compañeiro/a no lombo. Se acerta co número de dedos, líbrase e pasará a apandar o outro xogador/a, intercambiando os papeis. Se non acerta, o xogo continúa coa segunda parte do recitado, sucesivamente. No caso da segunda variante do Recitado 2 que se presenta, ao non acertar, recibirá tantas palmadiñas no lombo como dedos tiña realmente tocándolle.

Recitado 1: Decotín e decotán,

                   e das cordas cordabán,

                   e do can que salta a sebe,

                   churrica e bebe,

                   adivina burro

                   que tienes encima de tu culo.

Recitado 2: Se ti ... (NÚM. DEDOS) dixeras

                   nunca pena non tiveras,

                   decotín e decotán,

                   e das cordas cordabán,

                   e do can que salta a sebe,

                   churrica e bebe,

                   adivina burro

                   que tienes encima de tu culo.

Variante (rec. 2): Se dixeses... (NÚM. DEDOS)

                   nin gañabas

                   nin perdías

                   nin levabas

                   as palmadas

                   que tiñas

                   que levar.