Nos contos acumulativos vanse engadindo, progresivamente, novos elementos. O exemplo que se presenta, como tal conto acumulativo, admite novos elementos que se poden incluír sobre a marcha. As sucesivas repeticións ao longo do tempo permiten sucesivos graos de dificultade que van desde a simple escoita por parte do neno/a, á repetición dalgunhas palabras clave acompañando a persoa adulta (o nome dos animais, por exemplo), ou á repetición íntegra de todo o relato, sen esquecer a inclusión de novos elementos.

Recitado: Xan do Outeiro ten un can

               que lle chaman Capitán.

               Tamén ten unha cadela

               que lle chaman Micaela.

               Tamén ten un boi

               que lle chaman Turroi.

               Tamén ten un gato

               que lle chaman Escribano.

               Tamén ten un galo

               que lle chaman Santiago.

               Tamén ten unha galiña

               que lle chaman Mariquiña.

               Tamén ten unha ovella

               que lle chaman Cotorella.

               Tamén ten…