Na cultura tradicional existen moitos xogos onde os protagonistas son os animais. Este exemplo, antes que un xogo propiamente dito, é un recitado empregado cando o neno/a e a persoa adulta atopan unha xoaniña, a collen e a observan antes de soltala de novo.

Recitado: Voa, voa, xoaniña,

               que che hei de dar pan e viño.

               Voa, xoaniña, voa,

               que che hei de dar pan e broa.

Variante 1: Xoaniña, voa, voa,

               que teu pai vai en Lisboa

               a comer pan e cebola.

Variante 2: Voa, xoaniña, voa,

               que che hei de dar pan e filloa.